Scroll to explore

ශ්‍රී ලංකා ආයෝජන මණ්ඩලයේ කරුණු පැහැදිලි කිරීම

පසුගිය දිනවලදී මාධ්‍ය මගින් අනාවරණය කරන ලද භාවිතා කරන ලද භාණ්ඩ ඇතුලත් බහාලුම් 102 ක් ආනයනය කරනු ලැබ ඇත්තේ ශ්‍රී ලංකා ආයෝජන මණ්ඩලය යටතේ ලියාපදිංචි වූ සමාගමක් විසින් නොවේ.

ශ්‍රී ලංකා ආයෝජන මණ්ඩලය යටතේ ලියාපදිංචි ආයතනයක් වන හේලීස් ෆ්‍රී සෝන් (Hayleys Fee Zone) සමාගම වර්ෂ 2013 අංක 1 දරන පනත යටතේ ක්‍රියාත්මක වන ආයතනයකි. ඒ අනුව වර්ෂ 2014 මැයි මස සිට ඔවුන් ඒකාබද්ධ බාහිර සේවා මධ්‍යස්ථානයක් ලෙස කටුනායක අපනයන සැකසුම් කලාපය තුල අන්තර් වෙළඳ කටයුතු කරගෙන යනු ලැබේ.

වර්ෂ 2017 ඔක්තෝබර් මාසයේ දී හේලීස් සමාගම ප්‍රතිඅපනයනය කිරීම සඳහා පාවිච්චි කරන ලද මෙට්ට සහ බුමුතුරුණු ඇතුලත් බහාලුම් 130 ක් එක්සත් රාජධානියෙන් ආනයනය කරන ලදී. මෙයින් බහාලුම් 29 ක් මේවන විටත් ප්‍රතිඅපනයනය කරන ඇත. කෙසේ වෙතත් 2018 ජනවාරි වන විටත් ඉතිරි බහාලුම්වල ඇති භාණ්ඩ ප්‍රතිඅපනයනය නොකර අපනයන සැකසුම් කලාපය තුල ගබඩා කර තිබෙන බවට ආයෝජන මණ්ඩලයේ නිරීක්‍ෂණයට භාජනය විය. ඒ අනුව ආයෝජන මණ්ඩලය විසින් හේලීස් සමාගමට දැඩි අවවාද කරමින් කියා සිටියේ ගිවිසුම් ප්‍රකාරව එකී භාණ්ඩ හැකි ඉක්මනින් ප්‍රතිඅපනයනය කිරීමටත් අදාල පරිසර රෙගුලාසි අනුගමනය කරන ලෙසයි. ඊට සමගාමීව ආයෝජන මණ්ඩලය විසින් සමාගමේ සියලුම ආනයන තාවකාලිකව තහනම්කොට 2018 පෙබරවාරි අවසන් වීමට පෙර ඉතුරු සියලුම භාණ්ඩ ප්‍රතිඅපනයනය කරන ලෙස සමාගමට දන්වන ලදී.

කෙසේවෙතත් සමාගම එය කිරීමට අපොහොසත්වී ඇති අතර විටින් විට ඒ සදහා නොයෙකුත් තාක්‍ෂණික සහ වෙනත් හේතූන් ඉදිරිපත් කරමින් සිටී.

හේලීස් සමාගම පොරොන්දු වූ පරිදි මෙම භාණ්ඩ ප්‍රතිඅපනයන කිරීමට අපොහොසත් වීම නිසා ඒ සම්බන්ධව දැඩි පියවර ගැනීමට ශ්‍රී ලංකා ආයෝජන මණ්ඩලයේ අධ්‍යක්‍ෂ මණ්ඩලය කටයුතු කරන ලදී.

මාධ්‍ය අංශය
ශ්‍රී ලංකා ආයෝජන මණ්ඩලය
2019.07.19

Download Best WordPress Themes Free Download
Premium WordPress Themes Download
Download Best WordPress Themes Free Download
Download WordPress Themes
free download udemy paid course
download mobile firmware
Download Best WordPress Themes Free Download
free download udemy paid course